काठमाडौं — लोक सेवा आयोगले रा.प. द्वितीय श्रेणी उपसचिव (अप्राविधिक) पदका लागि तय गरिएको परीक्षा कार्यक्रम स्थगित गरेको छ। आगामी फागुन २१ गते हुने निर्वाचनलाई मध्यनजर गर्दै आयोगले यसअघि सार्वजनिक गरिएको तालिका कार्यान्वयन नगर्ने निर्णय गरेको हो।
बिज्ञापन
आयोगका अनुसार विज्ञापन नं. १६६६४–१६६९१/०८२–८३ अन्तर्गत न्याय, प्रशासन, लेखापरीक्षण तथा संघीय संसद सेवा (आन्तरिक प्रतिस्पर्धा/खुला/समावेशी) का उपसचिव पदका परीक्षा अर्को सूचना जारी नभएसम्मका लागि रोकिएका छन्।
बिज्ञापन
नयाँ परीक्षा मिति र संशोधित कार्यक्रम आवश्यक समन्वयपछि पुनः सार्वजनिक गरिने आयोगले जनाएको छ। परीक्षार्थीहरूलाई आधिकारिक सूचनामार्फत अद्यावधिक जानकारी लिन अनुरोध गरिएको छ।
बिज्ञापन
